Home  Druckversion  Sitemap 

2022

Erstmalig mit Lidli der Hansel und Bluemenarren!

 

D`Liit lond sech ih dä Ziitung verdummä,

im Blechner Ampeli seiät hundert Goldfisch abhandä kumma,

Am Fischteich waret alli Nochberä und d`Polizei di guckä,

im Friärjohr stellet si fescht, diä Fisch dont bi Kälti unter d`Steä huckä!

 

Iseri Zunftoberä dont ih Oberstaufä kräftig singä,

si wendt ih jungä Maidli äh nächtliches Stenderli bringä,

d`Polizei sieäht ih derä Ruhestörung ä Sündä,

und seit, ihr sottet liebär äh Bloosmusik gründä!

 

Isern Padre duät inerä Predigt großi Redi schwingä,

vu iserä Kanzlerkanditatä kasch doch kon onzigä bringä,

d`Kerch sott lieber amol ihren oägenä Mischt uffwischä,

und sech nit ihd Bundespolitik ihmischä!

 

Dä Hifinger Schultes häts s`groß Zinsg`schäft g`lockt,

doch d`Bank isch pleite und sih hondt zwei Millionä verzockt,

des ka iserm Stadt-Bächle nitä passierä,

wer nint hät, ka nint verlierä!

 

Großi Personalwechsel uff dä dä Bauämter ih jederä Gmond,

jetzt mommer goh noh froh si, dass mer dä Misok hondt,

do bruchermä is konni Sorgä machä, der bliebt is erhaltä,

den weremer bis zu sinerä Pension b`haltä!

 

Bis Schelbä am Hohzig unterhaltät sech drei gstandeni Mannä am Tisch,

ob dä nei Dirigent bim Wäschä äweng ihgloffä isch,

on fangt ah Schtupfä und luut lachä,

us dä Uniform vum Zornä Heiko kenntmer fief Stuck  fir den Kerli machä!

 

Am Kilbighock fangät im Trummlerzelt d`Frauä ah schreiä,

dä klei Faller loht sämtliche Hosä keiä,

diä Meischtä mont nuh noh lachä,

mit sommä kleinä Wienerli ka kon Metzger Werbung machä

 

Am Häxäfier do läufts nit rund,

diä Hexepolka goht fascht ä Stund.

Zwei Corona Johr hond Sie Ziet ka zum ibä,

aber s´isch nit viel hängä blibä.

 

Uf´em Rothusklo isch än mords Verkehr, 

dä Borgermoschter wundert sich sehr.

Mit dem Handy stond die Mitarbeiter bis uf dä Gang,

weil nur ufäm Schießhus häsch du an guatä Empfang.

 

Jahrelang Freunde jetzt Nachbarskrach,

im Gupfä sind diä gegäsitigä Vorwürf ä traurige Sach.

Dä Bürer Rudi loht´s bim holzsägä stundälang krachä,

dä Neininger Willibald ka si Mittagschläfle nimi machä. 

 

Ich bi diä Spitze vom Galgäberg, hät er früher gseit,

de Wendel mit sim Tiger in alli Wirtschaftä umischreit.

Doch im Alter wird au er gschit,

dass es die oberä Zehntausend nur mittä im Städtli git.

 

D'Wendel Uli siät mo nu no strahlä, 

und über di nei Städlivilla mite‘m Bluämäladä brahlä,

Doch do kennet s'Walchä nebä dra nu lachä

Als Banker don’t dieä die wirklich großi G'schäftli machä

 

Dä Zunftmoschter der hät Nasä voll,

mit sim Zwilling trinkä findet er nimmä so toll,

Do hucket diä zwei und trinket ä Bier,

und hinne nohr siet er vo sire Sorte immer vier

 

D’Werbung für dä Zunftball, diä kam so guet a

Dass sich s’Team vu luter Videos nit rette ka

„Des wird zu lang, dä muss ebbis raus!“

Moderatione sind g‘striche und au d‘Pinkelpaus!

 

Ä Frau im Narrerot, s’word langsam Ziet

Mir hättet nit denkt, dass es sell überhaupt gieht!

Ä Kandidatin isch gfunde, und hät sich scho etabliert

Endlich mol ebber der au Instagramm kapiert!

 

Werbevideo für dä Zunftball, wa do häsch kinne senne!

Fascht nackige Narre dond dä durchs Bild renne!

Hex‘ und Narrerot obä ohne, dä guggsch jo no hi

Aber Stadtmusik im Borat – hät sell müsse si?

 

Vum Bregistammtisch vorm Zunftball häts en Umzug gä

Än Narr vu  jederer Sorte häsch do kinne säh

Transgender zieht aber auch z’Brilinge i

Stadtbock isch än uffblosene Flamingo in knallepink gsi!

 

I denne Zietä nimmt mo ganz viel in Kauf,

nu im Kleinformat giets Eröffnung vom Hexenlauf,

150 Zuschauer hän dafür des Johr echt gut g‘senne,

aber d‘Hexe hän nu im Kreis dürfe renne.

 

Zunftballkiste packe, alle Gruppe hond Zeit

Nu iseri Stadtwehr glänzt durch Abwesenheit

Irgendwenn stoht ä Wehr-Puppe i dä Schänke drin

So hät mo wenigschtens G’fühl ka, dass sie däbei gwese sin!

 

Werbung bim Zunftball - Holzmüller hät ä Idee

So wie bi Haribo, des wär doch schee!

Dä Wickli isch so b’soffä, kon Satz haut me na

Guet dass mo später nu Kinderstimme höre ka!

 

In Zeiten von Corona dä trifft mo sich digital

Au für ä Narrerotsitzung die richtige Wahl

So muss au Zunft nit gucke ums Esse

Guet, denn dä Honk ka kilowies Salzstängele fresse!

 

Wa soll denn au wäre mit dä Fasnet vumorge,

fascht alli Gruppä hon arg Nachwussorgä,

is Bluemenarrä duet’s nit interessierä,

mir dond isern Nochwuchs jo selbst produzierä.

 

Als dämols bim Narrätreffä s'erschmol Fraue däbei,

Wars nit nu für´d Zunft au für dä Busfahrer nei,

Bi dä erschtä Paus zum Pinkle hät er nit dra denkt der Ma,

dass mo als Frau nit as Hag rollä ka.

 

Als Partycrasher taucht er im Grafäsaal uf,

Dä Reichmanne Marti häts halt druff,

Tanzä duät er in einer Leichtigkeit,

bis er vor alle Gäst bsoffä uff'd Nase keit.

 

A dä Weihnachstfeier vom Stammtisch isch's basiert, 

Dä Reichstein Eas hät baar Schnäps z'viel probiert, 

Id Gläser isch sin Kopf inni keit,

und dä Notarzt hätt‘n mit paar Stich g‘neiht.

 

Dä Tobi Schelb isch halt ä Maschi, 

vor dem gon viel freiwillig ufd Knie,

Ufem Gehringer Bau muäs er en halbä Tag Spitzä, 

Dänoch sieschen nu no zittrig uffem Bodä sitzä

 

Durch alli Dichter und Denker,

Handwerker und Bänker,

Wird die Fasnet sell isch klar,

Erst so richtig wunderbar. 

 

A därrä Fasnet ischs gewiss

Dä Heine Tobi und dä Wernetä Sigi megät Stripteas,

Sie holät s`Borat Hösli ussem Schrank,

Und ziehät für dä Zunftball beinah blank

 

D Musik duät z'Pfohrä än Uftritt ha,

Dä Zornä Heiko schreit, des wird wunderbar, 

Dänoch lot er's im Messmerstübli ganz schön krachä

am Mentig doät er erscht durch dä Aruf vom Chef ufwachä.

 

Dä klei Gmeinder i dä Fuchsstroß si Villa hät, 

Und ä Freundin us Villingä wo au sei ganz net,

Ä Villinger Glonki Fahnä hangät jedoch am Huus dra, 

Hey Dani do kehrt doch ä Hansel Fahnä na  

 

dä Kämmerer und no bar anderi sind fort,

Schaffät jetzt alli amä andere Ort, 

Die erst Halbzit vom Bächle isch ganz schön turbolent, 

Jetzt hoffe mo das idä zweitä nit dä Rest vom Rothuus fort rennt. 

 

Zwei Zunftballkistä will d'Stadt gi Bannewitz schickä,

Dä Bürgermeister und sin Nochvolger dämit beklickä, 

No bim bstellä woäs di recht nit wa die link Hand im Rathus triebd,

Und so kunnts dases jetzt für Partnerstadt 8 Kistä giht

 

Än Brillinger Hansel isch schlau

und stellt sich manchmol dumm

Bei iserä Nochberä ds Hiffingä

Dä ischs grad anderscht rum

 

Im Fitnesscenter dont die jungä Kerli wie d Sau trainierä

Mit  Bauchmusklä went sie de Frauä  imponierä   

I iserem Alter schmuntzerl mer und findets nett

Wer brucht scho än Sickspäck , wen er ä Fässli vornä dra hät

 

D`Spedition Mayer verfahrt im Monat für 100000 Euro Sprit

Nu für dä Tank vu dä Chefin langets nit

Bim Koch i dä Kurv macht irän  Karrä schlapp

Mit äm Ersatzkanischterle isch sie zu der Moter in Nussbiel dappt

 

Feuerwehr, Krankäwagä Polizei- I dä Hauptstroaß giets än Großalarm

Im Reichmann Moris keiet beim schaffä drei Kieselstäli uff dä Arm

Er sei verschüttet -seit er wo er dä Notruf wählt

D`Rettungskräft froget sech obs Ihm im Kopf ä weng fehlt

 

Dä Schwegler Ernst froget Bea -Häscht du a nei Auto bschtellt

Do isch oas i dä Gartä gstellt

Kreidebleich stoht der Honk uff der anderä Stoßäsitä und duät wi bsessä

er hät bim Parkä Handbrems aziehä vergessä 

 

Issern neuä Seelsorger horneglets wie z Sau

Wenn er im Winter uff dä Friedhof muss gau

Do pfifft er uffs Pfaffäkäppli  der afrikanisch Ma

No zieht er lieber a Schwarzwälder Zipfelkappä a

 

CMS von artmedic webdesign