Home  Druckversion  Sitemap 

Hanselliedle 2001

D'Schereschliefer hond dä Hildegard ihren 80er nit vergessä,
sie kummet uigladä und denket, sie griäget än Hufä zum Essä,
Großholzin sait wa glaubet jetzt au ihr,
Für ei langet au Suppä und Bier.

Dä Lädeli Herrmann rast mit sim Gschäftswagä wie än Blitz,
er ka jo nit wissä, daß hinter jedem Bruckäpfeiler än Radar sitzt.
Des Vögele hät in scho zweimol troffä,
und jedesmol isch er vier Wochä i d'Metz abigloffä.

Dä Benzä Roland denkt, mir stiegt kon Hifinger uffs Dach,
do isch besser, wenn ech's gli selber mach.
Bevor im Ziegel und dä Schwiegersohn verreckt,
hät er dä Dechter dä Maiä selber gsteckt.

Dä Baschi Johannes isch än Narrärot noch äm Alfons sim Gschmack,
den hät der Bazillus no nit packt.
Mit'em Wiebervolk hät er's selli schwer,
drum muß er bim Stachi als Zunftküsser i d'Lehr.

Ä Eschinger Brauereibesichtung hät dä klei Wickli nit recht vertragä,
ä halbi Stund später liet er im Stroßägrabä.
Wär er ringer z'Brilingä bliebä und het Leiä-Bier gsoffä,
no wär er nit 14 Tag mit Blätzä im Gsiecht rumgloffä.

Bim Schächteli sim Summerfescht duät Hexe-Wieber dä Wunderfitz juckä,
wenn ech uffs Klo miäßt, no kennt ech au mol i diä Villa guckä.
Dä Steffen sait:"Mir bruucht näamod i mini heilige Halle spannä",
und d'liet mond im Dixi-Klo uff d'Pfannä.

Im Gmondrot macht's Hallebad großi Sorgä,
mit FKK wend si sech mehr Gäscht b'sorgä.
Am Eröffnungstag isch bestimmt ganz voll,
denn än näckigä Gmondrot z'sähe isch bestimmt ganz toll.

I dä Dießenhoferstroß hät's am Neijohrstag brennt,
bi dä Frau Schütz im Keller - alli Bewohner sind wild rumgrennt.
Nu dä Amann Sepp hät des nit g'juckt,
er hät denä a dä Schellä ä nei Johr agwünscht und sech wieder vor dä Fernseh g'huckt.

Ozonalarm, des kratzt dä Miller Erhard koä wengä,
diä Sunn ka no so vom Himmel sengä.
Punkt Oäs do goht er, es isch kon Witz,
gi Rasemeiä i dä gröschtä Mittagshitz.

Bim Baumeister Roland am 40er-Geburtstag isch's passiert,
all sini Gäscht hond uff leeri Teller gstiert.
Än Partyservice het sollä bringä des Essä,
aber der hät den Termin oafach vergessä.

Die Heilige 3 König machät en Bsuoch im Seniorenheim,
um die Bewohner dert z'beglückä mit ihrä Reim.
Doch oäs ihr König het mer ei solle sagä,
mit Weihrauch kasch au d'Feierwehr uff d'Bildfläche jagä.

Dä Dr. Schächtele däsell isch garnit dumm,
baut bi dä MEZ ä Lagerhallä zum Hubschrauber-Hangar um.
Und wells diä Brilinger nit gli merkä sollä,
duät er sin Helikopter mit'emä Palettäwägili inirollä.

Dä Mantel Steff holt am Samschtigmorgä sini Weck
Wiä anderi au bim Balbiräbeck.
Doch dä Korb treit er nit der fuul Strick,
do derfier goht jo si Hundle mit.

Am Marathon stoht im Kirchenportal isern Pfarrer Eckert,
noch ra halbe Stund gucket er und sini Ministrantä ganz bedäppert.
D'Läufer kürzet a dä Lindä ab und lond än stau im Regä,
bloos mer i d'Schuh, no gieht's halt kon Segä.

Isern Pfarr kunnt us em Schwobäland,
mit em Brilinger Brauchtum isch er no nit so bekannt.
Drum sait er au zu om noch dä Kilbigprozession,
ech wünsch der ä glückselige Fasnet, min Sohn.

Radarkontroll isch i dä Hifingerstroß gsi,
und wer fahrt mit sim Giggelmexer nit dri?
Der Rocker isch gfahrä wiä ä gsengti Sau,
des war isern Ökofuzzi Walter Rau.

Di nei Springerhex woast nimmä daß sie no än Hansel isch,
und prompt baut er d'Stockach än granatä Mischt.
Kleinä Lauffer, wenn nomol bliebscht i rä Wirtschaft huckä,
no moscht s'näscht Narretreffä am Fernseh aguckä.

D'Handyrechnung sprengt bim Bauhof dä ganz Koschtärahmä,
Gmondrät saget, wenn des so wietergoht, kehre mer bald zu dä Armä.
Zum Nachrichte übermittlä bliebt jetzt s'Grüscht am Stadttor stau,
und dä Weißä Wilfried muäß mit Signal-Fähneli uffi stau.

Gli noch dä Fasnet hät's bim Bossert Herbert brennt,
die ganz Feierwehr ußerm Kommandant isch grennt.
Dä Stadel loht sech i dä Fußpfleg verwöhne und denkt,
s'isch doch glich, wenn die Sauerei abbrennt.

D'Frau Bombeiter hät widermol a grossi Klappä riskiert,
und hät a dä Weihnachtsfeier mit em Nikolaus ummädiskutiert.
Mit so ä mä großä Mul dät mä ringer Staubsauger verkaufä,
sell dät besser wi sell Schuhläddli laufä.

Dä Zunftmoschter hät's bewiesä,
Diskussion um BSE isch übertriebä.
Dä Kalb isch 50gi worä und immer no gsund,
ech glaub nit, daß der mol uff än Schlachtbank kunnt.

Dä Beger Matthias hä mit sinerä Birgit ko Freid,
all Monät gihts wegä dä Telefonrechnung än Striet.
Daß Wieber so viel tratschä kennet, ka er ofach nit verstau,
aber des wird no me Pfennigfuchser so gau.

Im Schultes platzt i dä Gmondrotsitzung dä Kragä,
er will für 60.000 Mark än neiä Dienstwagä.
Ä Limousin sotz si, doch fu dä Größi her däts ihm au än Smart,
no hät dä Stadtkämmerer scho 40.000 Mark g'spart.

S'Computerwesä fallt so manchem Brilinger schwer,
drum holt dä Trachtebund a dä Kilbig ä Rudel voll Inder her.
Sie sollet nit nu tanzä und singä,
die mond im Bertsche dä Weg is Internet beibringä.

Dä Brüner Theo hät ä riesä Gartähus baut,
d'Nochberä hond ihre Augä nit traut.
Der Nobelbau kostet bestimmt än Hufä Geld,
dä Theo sait, so baut halt än Mann von Welt.

D'Welt wird all hektischer und jeder duät verruckt,
drum schrubt isern Pfarr s'Tempo i dä Kirchä zruck.
Dä Wirtslit duäts am Sunntigfrühschoppä granatisch stinkä,
dät der schneller predigä, kinntät d'Mannä 2 Halbi me trinkä.

Isern Stadtpfarrer sini Schäfli zellt,
für ihn isch des des Schönste uff dä Welt.
Wer sind Sie, wo wohnet sie hert mon frogä,
Ich glaub ech wer Pfarrer, no häsch konni andere Sorgä.

Hanselsprüche 2001

Im Bregdäler liit dä Büffel uf dä Knie,
denkä duät er,m! Kriiz isch hii.
D'Pfaffä Tatjana hät er uff dä Arm wellä neäh,
won er's s'letscht mol gmacht hät, isch scho 10 Johr heär.

D'Beyrle Andrea duät mit 2 Freundinnen im Aldä Simpel huckä,
dorch si duät gar nit verzückt guckä.
Ihri zwei Kolleginnä fangät zum bschdellä ah,
no seid der Kellner, so jetzt isch eiri Mamä no dra!!!

Au dä Pfarrer Eckert woäs jetzt dä Fortschritt hät so sini Muckä,
Duät mer am Händi s'falsch Knepfli drugä.
Und macht dämit am Anrufbeantworter dä Lautsprecher a,
Wenn ebber areäft, mont er d'Sirän goht abbi nebä dra.

D'Sternsinger bringäts a dä Dag,
Dass Sie wohl nit jeder mag.
Mit nem Zahnbecher voll VVasser weräd Sie begosse,
i dä Ziidung stoht, s'wär fascht on versoffä!!!

D'Feirwehr duät is Aldäheim rennä,
dä Rauchmelder isch abi, dert muäses brennä.
Doch wo Sie akummät, von Feuer keine Spur,
D'Sternsinger mit däm Rauchfaß, sind. Schuld a därä Fuhr!!!

Diä Globale Erwärmung sell sag ech ei,
god au a issorä Fasnät nit spurlos vorbei.
Am Fasnätmendig lied im Städli Sand statt Strau.
No kennät Ihr idä korze Hose und Barfuss an Umzug gau!!!

D'Stadt duät mit dä Agschdelldä än Usflug gi Stuttgart machä,
doch dä akummä,dond die dollä scho nimmi lachä.
Ä baar Kindergärtnerinnä hond kon Bock zum in Landtag guckä,
si dond gli i dä fußgängerzone inä Kaffee hugä.

D'Irene und Tanja vom städtische Kindergardä,
dond mit nem Elternrundbrief uffwardä.
Doch sie dond's liicht übertribä.
Alli Kindergätnerinnä mond uff 100 Kopiä Ünterschribä!!

Dä Pfarrer samt Pfarrgemeinderat, duät im Hauptportal stau,
theortisch sod därt dä Marathon, vorbei gau.
Doch des duät ganz anderscht kummä,
diä Läufer rennät gli bi dä Linde ummä.
Wenn mo ä Händi gschenkt griegt ischs recht und guät,
wenn Beyrle Andrea nu wiest wiäs funktioniere duät.
Di armä Sternsinger mond stundälang bei errrä umä huckä,
und errä zoägä, uff weli Knepfli mo muäs druckä.

Dä Müller Egon isch än guedä Maa,
als Spende bringt er zum Härstahl än Kuächä na.
Dä Buä duät sich dämit dorchs Städli quäli,
wo mor dä Deckel lupft, duät ä ganz Stickli fehlä.

Dä städtdischä A'gsteildä, Summerfest,
word für dä Laie-Fritz zum Nerveätescht.
Vom Tiefbauamt dä Hiffinger Missock, dappt zum Laiä na,
ech sood Fürstdäbergbier fer's Summerfest ha.

Ufäm Wasä z'Stuttgart ä riisä Schlägerei,
dä Ganter Thomas als zuschaur voll däbei.
D'Kollegä dond di ganz Nacht noch im guckgä,
Doch d' Polizei hät en mitgnomme, er duät in U-haft huckgä.

Dä Markus Glatz auf der Fahrt nach Haus.
D'Polizei zwingt in zunärä korze Paus.
I dä Fiärerschii wänd dieä Herrä iniguckä,
a Lichtbild duät er ine separat id Händ ini druckä.

Dä Baier Rolf in voller Fahrt,
macht Hansel ganz uff sini Art.
Vom Scherzinger hät er d'Weckä hinidruff,
bei voller Fahrt good dä karrä uff.

Dä Marathon, mo woäses ganz genau,
duät 42,195 km gau.
Wenn des denkät diä Läufer au,
derfet Sie z-Brilingä nit gi rennä gau.

Im Schultheß, dä Dienstwagä ischt en BMW
dä Stern fehlt, duet ihm sefli weh
dös Auto isch vom gliiche Kaliber
wiä de Flitzer vom Rotschriber.

Vier Hansel sottet Fasnet gi Berlin bringä,
de Willibald über de Kuhdamm duet springä,
doch diä Preißä gucket ä weng stuhr,
diä Berliner hond halt koa Kultur.

Noch der Feirwehr-Versammlung goht er spot hoam,
dä Willmanne Heinz, vos Kuschters en Sohn,
Bim is Bett gau, sot er halt druf achte,
dass er nitt mit Uniform und Kappä duet übernachte.

S Bertschis wennd gi Basel innä U-stellung gau,
de Alfred seit, rechti du Schatz, mi Frau;
i dä Schwüz akumme dont diä zwei schluckä,
sii hond sech vier Wochä im Datum vergucket.

Grueß Gott, Herr Hofheinz, dä Pfarrer seit,
dä Reichmanne Marti denk, jetzt ischt'er verkeit,
mit iserem Pfarrer isch's viilicht ä Gaudi,
bis Reichmanne ischt vos Hofheinzä nur de Audi.

Wenn Willmanne Else annä Weihnachtsfeier goht,
de Heinz ohne Husschlüssel vor de Derä stoht.
Kopf'über durchs Su-Stahlfenschter stiigt er i
en Dachschade hät'er siither, saget sii.

De Gsangverein bringt sinni Ständ vom Gartefescht
im neue Lager unter bis zum letztä Rescht.
Aber noch eme Johr scheltet si wiä b'sässe,
dMies hond zwei Kilo Zucker g'fressä.

Dä Drescher-Märx springt a dä Gildäversammlung uff,
so ä Sauerei,
er hät dä Ordä gar nit däbei,
er pressiert hoäm und hockt wieder an Tisch und denkt, jetzt g´fallts,
hät aber leider nu dä Hemdgloncker-Ordä um dä Hals.

Dä Hasäfratzä Gerhard hät Adrenalin,
brucht schnell a Rohrstuck, hinter dä Holzbiig kennt no oäs si;
Diä Holzbiig keit, weil er druckt wiä verruckt
und hät sim Buä s´nei Motorrad vodruckt!

Im Schulthäss än Smart als Dienstwagä - sell wär gnuäg,
no gäb´s im Gmondrot au koä bes Bluät
und Garagämietä dät nit so entartä -
des Ding kennt er im Husgang parkä.

I dä Habsburgerstroß immä Eck passieräd seltsami Sachä,
Is Wendels Gartähiisli kammer tolli Feschtli machä.
Eines Abends will dä Joggi mittem Kopf durch die Wand,
no keit die ganz Hittä fast ussänannt.

Dä Böhe Wolfgang als Lehrer ä groß Talent,
als Bauherr und Handwerker alle Termine verpennt.
Ä Johr später ischs Bad no nit in Funktion,
Sie badet im Halläbad - und er z´Hifingä dahoäm.

CMS von artmedic webdesign