Home  Druckversion  Sitemap 

Hanselliedle 2011

Dä Borgermoäschter gregt an großä Schreck
ih zwonzg Johr sei Brilingä vum Fenschter weg
er hei kon Ihfluss ufs Schlofzimmerverhaltä
als Energiechef bruchter bloss mol dä Schtrom abschaltä

Im Kochä Erich dä Buä duät Kontakte suächä
bii Flirtfieber.de kamer Kerli wih ihn bruchä
streng geheim, im Internet sollen konner erkennä
drum duät er sech zum JONES umbenennä.

Monatelang war d`Hauptschtross g`schperrt
undt im Einzelhandel dä groß Umsatz verwehrt
am morgä um halb sibini war d`Schtross vuh dä Schilder frei
Mayerlädili, Schtachi undt Bombeiter waret selber dabei

Vuh dä Molitor Petra wird jetzt im Sündäkurier stau
Am Narrätreffä wendt zwei Trummler nimmä usem Zimmer gau
sih tauscht s`bett mitem Heldä Thomas voller Fruscht
Sei froh, denn Macki's Kopf liht ufem Thomas sinerä Bruscht

Ob des äh neii Kultschtätte giht?
Sih bim Buckfirscht im Gartä liht
äh Plaschtikhex ih dä Mitti, Kerzä dondt des dimmä
doh bruchät mir s'Happy-Halloween-Huus nimmä

Am Fasnet Mentig isch vil gangä
Reichsteins Thomas und dä Willibald dond im Rebstock umihangä
dä oä miäd vum Knutschä, dä ander vum Schwofä
so dond si dä Rusch am Tisch usschlofä.
 
Dä Joggi fahrt wiä all gi gipsä
duät vollbeladä durch d`Hifingerstroß flitzä
s´ganz Material hät mor vorem Hoffeinz g´fundä
ä Gipsermeister hät si Glump halt nit abundä.

Polterhohzig bim Hasi war ganz famos
De Trummlerobmann sait de Uftritt wird riesengroß
De Gerald de Hasi ufem Fahrrad giht
bis er bluätend uf dä Goschä liht

Dä Lindner Michael emol än Uusflug macht
will on drufmachä, dass es g`kracht
zum Hohepunkt isch`s Bull-Riding g`worä
dabei hät er aber sii Gebiss verlorä

Isch dä Fabi Horscht auh mol fort
noh will er guät riichä, hier und dort
flugs nimmt er äh Fläschli Deo usem Badeschrank
jetzt isch er ganz suuber, Essigspray sei Dank

Vum Kulturfirscht Lindäwirt wird dä Brauchtum pflegt
dä Jungwirt aber viil Beschwerdä vuh dä Engländer gregt
doh moss dä Chef vum Pfarrg`mondrot selber än Ahtrag stellä
s`Morgäliitä sot wie dä Big Ben undt ersch um Nini schellä

Am Obmännerusflug warät Kleini ganz groß,
bim Stanislaus isch noch a bar Bier dä Deifel los.
Im Willibald biesst er mol schnell i´d Backä,
gli druff dont a Rolands Ohr konni Ring me wacklä.

D'Kochä Inge mitem Auto än Uhfall baut
sih bei dä Schparkass s'ganz Schaufenschter versaut
über dä Ziitungsartikel debert sih wiä d'Sau
dä Sündäkurier schribt vunerä ganz altä Frau

Bih dä Preisverhandlungä duät dä Simpelwirt dä Bogä überspannä
im Narräroht setzt er vor Wiihnächtä s`Messer ufd Bruscht, ech lass ei hangä
Zum Deifel hondt sin g`jagt, mir londt ihs nit erpressä
jetzt wartet er einsam im Simpili mit sim feinä Essä

Bim Bauahtrag haltät dä Messmer Heiko dä Ball flach
wo er fertig war, hät er äh paar z`großi Gaupä ufem Dach
des isch doch nit schlimm seit dä CDU-Boss ganz entschlossä
so Sachä sindt auh schon bi minä Vorgänger g`loffä

Bis Guse`s soht jedes Johr Hohzig sii
ufem Kerchliberg, doh merkt mers glii
kuum will Dechter d`Kappellä sichtä
moss dä ganz Bauhof des Gelände richtä.

Dä Schweitzer isch noch dä Zunftversammlung in Zacher gangä
bim Homlaufä hät er scho ganz schen on hangä,
dä soächt ah dä schtädtisch Chrischtboom, dass er waast und gedeiht,
nit daß des arm Beemli s`drittmol umkeit

D`Schtadtwehr isch än wildä Huufä
viil Fuuschtä undt s`ganz Johr dii Suufä
am Gildäfescht dondt sih was anders biätä
sih zoägät sech vuh dä weiblichä Siätä

Dä Wendel Norbert ufem Rieswelläball
Ziitschriftä verteilt er im ganzä Saal
nuh oäs hät der Partynator halt vergessä,
ufem Beate-Uhse-Katalog stoht di oägä Adressä

S`Schlofzimmerverhaltä be-ihflussä ka d`Stadtverwaltung nit,
teilt dä Schultes vor dä Fernsehkamera mit
wilsch wiider mol wildä Sex mit dinerä Frau
musch jetzt zur Beratung uffs Roothuus gau

Im Mooler Seifried word dä Hoämweg z`schmal
volle Kanne hauts en ih dä Metzkanal
fer der Kerli isch dä Kilbigsunntig g`loffä
fascht wär er ih däm Schlamm versoffä

S`Molitors hondt äh scheni Vision
Daß dä Reichmann Fabian hät Konfirmation
Des G`schenk des kunt rechtig guät ah
denn s`Molitors sindt äh ganzes Johr z`friä dra

Dä Vogtä Gerald kas bald nimmä herä,
alle dont sich über schlofende Trummler ufem Schießhus beschwerä.
Am Obmennerusflug lots er dann ganz schen krachä,
und duät für a besser Image i dä laufendä Dusche ufwachä.

Uf dä Landesgartäschau kamer sii bruchä
diä scheni Männer vuh Mamma Mia als Tänzer bsuchä
diä Bruschtbehaarung spriist wih di Sau
diä kenntet als Werbetonne für Kunschtdünger gau

Dä Kalbä Fritz macht äh großes Fescht
s`Johrgangsbier isch doch sih Bescht
alli Trinker mit Leib undt Seele sindt do kumä
um achti schtoht schoh dä Notarzt umä

D’Stadtmusik hät dä Dangel inzwischä im Griff,
jetzt verpasst er no dä Blumänarrä de letzt Schliff.
S’Kurvälaufä duät nonit so funktionierä,
drum mon’d sie mit dä Dachlattä trainierä.

Äh neii Ärä isch am Horizont
d`Urhexä nimmä nuh fir 100 Kilo stondt
denn dä Hummel Phillip isch nei däbei
er seit, di fettä Johr sind jetzt vorbei

Bim Brugger Norbert am Wiihnächtsfescht
en schenä Boom solls sih fir die ganzä Gäscht
doch z`viil Wasser im Schtänder, es lauft durchs Hus
noh sufft ers mitem Röhrli zum Schtänder us

Dä Molitor im Vorstand vuh dä Bürgerschtiftung isch
ah dä Sitzung kunnt än feine Schnaps uf dä Tisch
firs Büro isch dä Kater am Morgä z`groß
er nochem Frühstück wiider is Bett gau moß

Am Driessger vum Wickli gohts heiss her
auh im Kunzä Joachim fallts Suffä nitä schwer
uf oämol hät er gnug vuh sinerä Mattä
Dä Merzli schnidät ihm dann äh kahli Plattä

Dä Muschi kocht sech äh feines Essä
vor luuter Fernseh hät er des Menü vergessä
doch Gottseidank hät er äh Frau im Huus
während er schlooft, frisst sih Katz dä Haffä uus.

Dä Gildämoäschter isch im Element
er vum Fabi in Simpel undt noh idd Feschthallä rennt
ufem Hoämweg malad, dä Kittel verrissä
will er mitem Gutsele d`Huusderrä ufschliässä

Im Hansel s`Wechtigscht isch si Schwert
im Gildämoäschter isches aber nit vil wert
in Schramberg nochem Umzug bim umilotschorä
hät er si beschtes Schtuck verlorä

Dä Narräroht giht sech modern
am Zunftball häts auh Gäscht vu nah und fern
doch stoht ufem Programm des isch kon Witz
äh alti Bankleitzahl undt Nummer vum Kalbä Fritz

Dä Reichmannä Marti isch ihd Bütt gangä
hineno hät er ganz schen on hangä
noh goht er z`bsoffä hom zu sinerä Frau
noh isch er näschtä Dag scho wiider ä ganz armi Sau

Dä Honk isch usser Rand und Band
undt fühlt sech wie im Schlaraffäland
bim Füllä vuh dä Hanselkorb isches toll
er hät auh immer Backä voll.

Hochzietä will dä Butkus Philip mit vielä Liet,
Persönlech vertoält er d’Iladungä sehr wiet.
Mittädrin wet er vor Wuät diä Zettel fressä,
hätt er doch’s Datum uff dä Iladungä vergesää.

Begriäßä und bedankä duät mo stundälang,
Dä Zunftball erinnert a dä Kirchägang.
Ech glaub ech ha mol g’hert,
Dä Zunftmoäschter hät bim Pfarrer g’lehrt.

Dä Feschthalläwirt Klaus macht sini Arbet guät,
bi onerä Sach do kochät manchem aber s’Bluät.
Dä scheenscht Platz i dä Hallä hät mo ies gschtolä,
Bier ka mo koäs me a dä Kochitheki holä.

S’Schädtli isch so richtig scheen,
Flanierä will mo öfters gehn.
Us Portugal s’Matrial karrät mo her,
Scheen sin sie, aber ratz fatz kaputt, diä bledä Stäe.

Dä Wetzel Joachim isch än luschtigä Maa,
so sehr, dass d’Polizei sell nit ganz glaubä kaa.
Dä Wetzel beteuert „Ech bi nit blau!“
D’Polizei duät ihn trotzdem viermol blosä lau.
Dä Bertsche Jürgen ruäft „Ech kher do nit däzu,
Ech bi nu dä Däfilibuä!“

D’Faller Sandra isch dä rote Blitz,
Stundälang war sie joggä des isch kon Witz,
Do statt z’rennä duät dieä Frau,
bi dä Burä d’Kiäjä und Katzä striechlä gau.

A dä Larverä schwoäßä, leetä und so Sachä,
dont diä krummä Hexä bim Stadel machä.
Säll ganz Theater alles wägäm Bertsche Thom,
dän häts am Umzug änigworfä wiä än umgsägätä Bom.

Roti Kappä, Eschinger Kappä, Individualismus hurra,
isern Gildämoäschter stinkt sell gewaltig a.
Narrädisziplin und Corporate Identity,
solchi Sachä die sind geschtern gsi.

Ob Leiä, Narräzunft oder Feierwehr,
da Su-Tom überall zu dä Elite kehrt.
Als am Zunftball alle noch dä Brandalag rennät,
isch fu sinnerä Kompetenz nint me z´senät.

Im Bus hät dä Gildämoschter no guät lachä,
und seid „holät vorm Umzug au jo pünktlich eiri Sachä“.
Grad er kunnt dann z´spot wegem z´viel lätträ,
und hät miäsä zu sinä Sachä durch a Fenster inni klätträ.

Gi Stuttgart is Musical wellä, kon Sprit im Tank,
Monatsende, deswegä wahrscheinlich s’Konto blank.
Ohne zu zahlä, vom Hofeinz weg fahrä,
Mensch Heini Christoph, bisch dir übo diä Folgä im klarä?

Am Stroßäfesch-Samschtig viel Umsatz machä,
do drübo don’d au d’ 7-Hisli-Lied lachä.
Dä Schnaups duät selli guät laufä,
sie mond sogar s’Wiehwasser als Pflumäschnaps vokaufä.

Sport isch für Jedermann wichtig,
s’macht sogar a dä Spielekonsole süchtig.
Dä Fehräbach Thomas duät sech an Fitnesstrainer dafür kaufä,
und ka dä Dag druf vo Muskelkato kaum no laufä.

Ruck-Zuck für’s Gildäfescht, doch dä Text duät no fehlä,
dä Öpfel duät sech dämit ganz schen umiquälä.
Z’Nacht um halbä Zwelfi kunnt er endlich dämit a glaufä,
er hät no fief Stund messä ä neii Druckerpatron kaufä.

Nochem Weihnachtsmärt duät ä Vesper uf em REWE-Parkplatz mundä,
doch, mo kennt den Ladä au für an Überfall uskundä.
Kaum uf dä Autobahn kunnt d’Polizei – rechts ran fahrä,
übo die Folgä, war sech dä Bertsche Jürgen nit im klarä!

Dä Hus-Schlüssel im Auto und sell i dä zuänä Garage,
für dä Kommandantli Barth ä ziemliche Blamage.
Jedes Brettli am Tor wegschrubä, sech däbei morz abblogä,
däbei het er nu messä s’Nochbos um dä Ersatzschlüssel frogä.

Wenn dä SC spielt hont alle än morz Spaß,
au d´WG gieht in Frieburg richtig viel Gas.
Dä Mosi duät allerdings sini Kart dohoäm vergässä,
und dä Schinkä fu luter Hektik i dä Birköstock im Stadion sitzä.

Wenn alle zwei Johr zum TÜV muäsch gau,
sott die Auto noch reächt guät do stau.
Am Obäd vorher reäft dä glei Stadel allänä a,
und frogät „ka ich morgä kurz dini Reifä ha“.

Dä Moler Hofmeier isch uf Wellness gsi
Dä ganz Kerli schmieret sie mit Cremä und Sälbli i
Jetzt isch er wieder mit Abstand dä schönste Ma
A de Fiedlebackä und am Ranzä isch koä Faltä me dra.

D’Fußpflege Rosi het ammä Kongress sollä referierä
Hochmotiviert duät sie in Vortragsraum marschierä
Als konni Zuhörer do sind, wird sie im G‘sicht ganz fahl
Noch’rä halbä Stund hät sie g’merkt, sie isch im falschä Saal.

I dä Zietung hät on inseriert
Er sei anärä Frau ab 40 interessiert.
Am anderä Tag riäfet 278 a -
Ab morgä kasch minni ha.

Vor’m Gildäfescht isch dä Müller Tom ganz entsetzt
Der onzig Narrärot ohne schriftliche Ladung, des hät ihn tief verletzt
Der Kerli kochät fascht vor Wut
Persönlich i‘gladä wird aber nu, wer meh wie drei Euro spendä duät.

Dä Buckfürscht isch i dä Ziet a weng verkummä
Er rennt am Drei Königstag no mit ämä Weihnachtskäppli ummä
Des Mützli isch abig’hanget ganz schlapp
Aber wo nit viel Hirn isch brucht’s au ko großi Kapp.

D’Stadtwehr duät a paar neue Liedli studierä
Und dass es klappt dond sie im Zacher d’Stimmä kräftig schmierä
Noch acht, ni Halbi lond sie s’Liederbuch keiä
No hersch nu no „fuschtä fuschtä“ schreiä

Dä Beger Matthias will sinnerä Biggi groß imponierä
Wo sie fort isch duät er dähoam renovierä
Mit entsetztä Augä johlet sie i Tür – des kasch grad nomol machä
Dä Krätze sait „blos mer i d’Schuh, ech gang in Zacher“.

Isern Gmondrot hät beschlossä - d’Hallä wird saniert
Über’s Ussmaß simmer ä wenig irritiert
I dä Zietung mosch all lesä, der Stadt goht’s dreckig, mir heiet koä Geld
Und do word zuäg’schlagä - was kostet die Welt

Wenn der Bischof kunnt wird er vor Neid ganz blaß
150 Ministrantä und jetzt no so en großä Kirchävorplatz
Für isern Pfarrer isch des ganz klar
Des bruch’sch halt als Kirchäfürscht vu dä Baar.

D’Liet im Zacher fanget a stöhnä
Dä Wendel-Johlie duät sech selber zum Partykönig krönä
Als Glämmer-Girl stellt er sinni Ulli nebet hi
Sie soll jetzt d‘ Paris Hilton vu Brilingä si.

D‘ Trummler sind än wildä Hufä
Am allerliebschtä dond sie suffä.
Und sottet sie am Umzug lachä
Siäsch si nu blödi G’sichter machä.

Im Ewald Hubert sinni Kiä sind konni Armä
Diä loht er vo sinnerä Helga besamä
En Schuß, en Treffer
Wenigstens d’Helga hät no Pfeffer.

Dä Oberhansel duät sin neiä Stapler startä
Doch uff’s Motorgeräusch muäß er vergeblich wartä
Isch der Schießdreck ämend scho hie?
Nei Joggi – s‘isch än Elektrostapler g‘si.

Bi dä Versammlung vo dä krummä Hexä goht’s rund
Kalender und Kuli votoälet sie an Vorstand zu später Stund
Damit sie konni Termine me sausä lond
Und no wisset, was sie besprochä hond.

Dä Moler Hofmeier uff Fortbildung goht
Im Hotel er sich mit’em Kolleg i-checkä loht.
Er denkt no – es goht glaub nit schlimmer
Diä zwei, diä kriäget’s Rammlerzimmer.

Oh zoäget au im Narrärot
Wiä’s Hanselliedli singä goht
Bim Goofy am 50er hond sie’s probiert
Und sich bis uff d’Knochä blamiert.

Dä Hasi feiert Abschied vom Jungg‘sellä-Lebä
Sini Trummlerkollegä hond all’s dafür gäbä
Bis zum Schwenninger Flugplatz hät er no g‘lacht
Aber bim Tandemsprung im Hasäkostüm fascht i’d Hosä g’macht.

Dä Meßmer Clan in Urlaub goht
Wo sich dä Gildemoäschter dä Schnaps schmeckä loht
Z’wenig isch es glaub‘ nit gsi -
Frogt die oägä Frau: „Wer sind denn Sie“?

D’Blumä-Narrä gend ä Schwarzwälder-Ballett
Zum Gilde-Jubiläum s’war richtig nett.
D’Meßmer-Petra duät zwischädrin uff d‘Binni huckä
S’ kunnt hoffentlich nit vom z’ tief is Kirschwasser guckä.

Bim Obmann-Usflug goht’s gi Bad Schussenried
Well’s dert ä tolles Oktoberfescht giht.
S’Fernseh isch natürlich au däbei
Zoägät dä Willibald als „Gesicht Baden Württembergs“ im Südwest Drei.

Bim CDU-Parteitag z’ Eschingä goht’s rund
Well d’ Kanzlerin und dä Ministerpräsident kunnt.
D’Baumeister Susi darf dä Mappus abpuderä und a‘schmierä
We’mo so guät ussiäht ka‘mo d’Wahl nit volierä.

In frühster Kindheit vom Bruder verschlagä
So duats Hex Reichmann am Zunftball vortragä
Doch ech sag`s ei und woaß des genau
Er hät dä ander einfach nit friehner uusilau

Am Zunftball Hex Reichmann ganz grandios
Mit derä Büttäred ganz famos
Zu dä Judith saiter witt werä mii Frau
Antwort lautet, wa will ech mit onerä armä Sau

Wie Ohräschmaus duat`s nit erklingä
Wenn Stadtwehr will mol Liedli singä
Einige donnt im Büchli umäkruschtä
Sie mechted lieber eweng Fuuschtä

Dä Holzer Andreas isch än nättä Ma,
drum goht er no des Johr vor dä Traualtar.
Vor fif Johr het mo ihm sell mol sollä sagä,
no het er om fascht oni ufd‘ Schnorrä gschlagä.

Dä Hasäfratz Bernd hät Hotzig ka,
mit Guggämusik, Trummler und viel tra tra.
Dä Vogtä Gerald sech mit ämä Fahrrad ufd‘ Bini legt,
und im Gassi die halb Dischdeko im Arschbackä steckt.

A Narrätreffä mit dä Trummler sell ka on plogä,
drum duät sich dä Hofacker Victor ä Hotelzimmer bsorgä.
Wenn du nit um zwoä im Bett si witt,
no muäsch halt wieder mitm Rundä Disch mit.

Carwash a dä Esso isch än großä Hit,
zuminischd bi dä Trummler, diä machät alli mit.
Dä Freyä Simon lot sich sell nit entgau,
und stellt sich selbst halbnackt zur Schau.

Mitm Kittel vo dä Blumänarrä duät mo nit frierä,
au dä Friedrich Mathias will sell am Gildäobänd usprobierä.
Doch Musch, wenn dini Zit bi dä Trummler isch vorbei,
dann hond Blumänarrä sicher ä Pläzli frei.

Dä Gildämoschter, der närrisch Ma,
am Häxäsunntig er unterwägs war,
ufm Hom wäg duät er zum Soächä ad Heckä stau,
und hät vo luter sinni Maske ligä lau.


CMS von artmedic webdesign